سياسة الخصوصية
الموقع بسيط: الأدوات حساب بتحسب على جهازك، ومش بنخزّن الأرقام اللي بتكتبها.
اللي بيحصل دلوقتي
- أدوات الحساب: كل الحساب بيتم في المتصفح عندك. المبالغ والتواريخ اللي بتكتبها مبتتبعتش لأي سيرفر ومبتتخزّنش.
- الوضع الفاتح والداكن: اختيارك بيتحفظ في متصفحك بس (localStorage) عشان الموقع يفتكره. مفيش كوكيز تتبع.
- الخطوط والصور: كلها من نفس الموقع، مفيش خدمات خارجية بتشوف زيارتك.
- الروابط الخارجية: لما تدوس على رابط منصة (يوتيوب، إنستجرام...) بتخرج من موقعنا وبتطبّق عليك سياستها هي.
الرد التلقائي على التعليقات (إنستجرام وفيسبوك)
لما تكتب كلمة مفتاحية زي "مرتبي" في تعليق على منشوراتنا، بنبعتلك لينك الأداة في رسالة خاصة. عشان ده يحصل بنخزّن بس:
- رقم حسابك على المنصة (المعرّف اللي بتديه لنا إنستجرام أو فيسبوك) واسم المستخدم العام.
- رقم تعليقك والكلمة المفتاحية اللي طابقت، وحالة الطلب (اتبعتله اللينك ولا لسه).
- سجل تقني مختصر بالأحداث (إيه اتبعت وإمتى).
بنتأكد من إنك متابع الحساب باستخدام خاصية ميتا الرسمية، ومش بنخزّن غير النتيجة. مش بنقرأ رسايلك الخاصة غير الرد على كلمتك، ومش بنبيع ولا نشارك البيانات دي مع أي حد، ومش بنستخدمها في إعلانات. بنمسح سجل الأحداث التقني تلقائيًا بعد 90 يوم.
إزاي تمسح بياناتك
ابعت رسالة خاصة للحساب @taxmeshloghz على إنستجرام فيها عبارة احذف بياناتي، وهنمسح كل اللي مخزّنينه عنك فورًا ونأكدلك في رد. ممكن كمان تشيل صلاحيات التطبيق من إعدادات حسابك على المنصة في أي وقت.
اللي ممكن يتغيّر بعدين
الريلز: صور الغلاف بنقدمها إحنا من موقعنا، فمفيش حاجة بتتحمّل من يوتيوب أو إنستجرام أو تيك توك وإنت بتتفرج على الصفحة. لما تدوس على ريل يوتيوب بيتحمّل مشغّل يوتيوب (بنسخة بدون كوكيز)، ولما تدوس على ريل إنستجرام أو تيك توك بتروح لصفحته على المنصة، وساعتها سياسة المنصة دي هي اللي بتنطبق.
الإعلانات المباشرة: ممكن تشوف إعلان من معلن اتفقنا معاه مباشرة، ومكتوب عليه «إعلان». الإعلانات دي من غير كوكيز ومن غير تتبع. بنعدّ بس كام مرة ظهر الإعلان وكام مرة اتضغط عليه، من غير أي بيانات عنك. أي إعلانات من جوجل (لو اتفعّلت) مش هتشتغل غير بعد موافقتك.
ممكن نضيف حسابات مستخدمين، وإعلانات، واشتراك من غير إعلانات. قبل أي حاجة منهم هنحدّث الصفحة دي بالتفصيل (إيه اللي بنجمعه، ولمين، وإزاي تمسحه) ونوضّح موافقتك. لحد ما ده يحصل، مفيش حاجة منهم شغّالة.
معلومة عامة
المحتوى وأدوات الحساب للتوعية العامة، وليست استشارة ضريبية لحالتك. لقرار يخصك، استشر محاسبًا أو مصلحة الضرائب.
تواصل
أسرع طريق للتواصل رسايل المنصات على @taxmeshloghz.